“IoT aplicada a la monitorización de la salud y seguridad de los trabajadores del sector industrial a través de comunicaciones 5G” jardunaldia
Sarrera hau beste hizkuntza hauetan dago eskuragarri: Español
Apirilaren 26an, Tknikako “Komunikazioak eta hodei-konputazioa” espezializazio arloko Mikel Juanes (Tartanga LHII) eta Vicente Llarena (Somorrostro Ikastetxea) kideek Sant Cugat Lanbide Heziketako Zentroan egin zen jardunaldi teknikoan parte hartu zuten: “Interneten gauzak (IoT), industria-sektoreko langileen osasuna eta segurtasuna monitorizatzeko aplikatua, 5G komunikazioen bidez”.
Jardunaldian zehar, proiektuan parte hartzen duten Lanbide Heziketako zentroekin (Institut FP San Cugat, Institut Narcis Xifra I Masmitja eta Somorrostro ikastetxea) proiektuaren garapenean orain arte egindako aurrerapen tekniko desberdinak partekatu ziren, baita proiektuan laguntzen duten zentro teknologikoekin (CoebreLab, i2Cat edo IEEC), satelite sektoreko enpresekin (Satelliot) eta teknologia hori erabiltzen dutenekin (Engidi), bakoitzak bere esperientziaren ekarpena eginez. Aldi berean, Tknikak NB-IoT eta 5G-SA sare pribatuak erabiltzeko bere esperientzia elkarbanatu zuen, konfiguratzeko eta martxan jartzeko prozesuan laguntza emanez. Euskadiko lanbide heziketako 5G laborategian estazio pribatu bat dago martxan, open source teknologiak erabiliz (OpenAirInterface) eta 5G-SAn konfiguratua. Halaber, Arduino/M5Stack erabiliz sentsore eskuragarriak garatu dira eta horiei NB-IoT shield bat gehitu zaie, horrela, zelula-sare pribatuen bidez konektagarritasuna emateko. Horiez gain, fabrikatzaile desberdinen gailu eta modelo batzuk ere frogatu dira, hala nola, Lilygo edo Dragino,
Jardunaldia Kataluniako Unibertsitate Politeknikoko (UPC) NanoSat Lab laborategira egindako bisitarekin amaitu zen, Màrius Montonen (Space Embedded & HW/SW development) eskutik, Kataluniako Espazio Ikasketen Institutukoa (IEEC). Ikasleei eta komunitate zientifikoari irekitako laborategi bat da, ezagutza satelitaletan sakondu nahi duena, eta arreta berezia eskaintzen diena espaziora satelite txikiak jaurti nahi dituzten enpresa txiki eta ertainei eta erakunde edo taldeei, besteak beste, IoT eremuan eta etorkizunean 5G-IoT satelite bidezko teknologian aplikatzeko. Teknologia horrek urruneko eremuetan eta landa-eremuetan estaldura emateko gaitasuna du, horretarako lurreko 5G-a ez baita praktikoa eta, horrela, erabiltzailea dagoen tokian konektagarritasuna erabilgarri egongo dela ziurtatuz. Orbitan jartzeko osagaiak kalifikatzeko beharrezko ekipoak ere baditu, bai teknologiari dagokionez, baita estandar garrantzitsuei dagokienez ere.
Etorkizunean, beste erakunde eta enpresekin elkarlanean jarraituko dugu aliantzak sendotzen jarraitzeko eta gure ezagutza 5G teknologian eta haren aplikazioetan zabaltzeko.
