Ikaskuntzak eta etekin handia

Ikaskuntzak eta etekin handia arloak bost jardun-eremu ditu nagusiki:

1. FP Euskadi ikaskuntza eredua ezarri

Ikaskuntza-ereduen ikerketa, diseinu, esperimentazio, garapen eta hedapen-prozesuak garatzen ditugu, lanbide-heziketaren ikuspegi sistemiko batetik, eta arreta jartzen dugu pertsonen eta erakundeen talentua aktibatzean eta abian jartzean, gizarteak aurrean dituen erronkei aurretiazko erantzun arin eta eraginkorra eman diezaieten.

* Datuak ereduaren ezarpen-maila guztien baturari dagozkio.

2. Lan-ildoak

1 - STEAM

Euskadiko LHren metodologia-proposamena aberastu, berrikuntza metodologiko adierazgarriko proposamenak gehituz (STEAM edo Visual Thinking, besteak beste).
STEAM proposamena sendotu, Euskadiko LH ereduarekin hura kontrastatuz.
STEAM eremuko bokazio eta asmo profesionalak inspiratu, emakumezko ikasleei arreta berezia jarriz.
Informazio gehiago.

2 - ERRONKETAN OINARRITUTAKO IKASKETA KOLABORATIBOA

Euskadiko LH Ikaskuntzaren Eredua egituratzen duen elementu nagusietako bat erronketan oinarritutako Elkarlaneko Ikaskuntza da. Egoera problematiko baten planteamendua, erronka bateranzko eraldaketa eta emaitza bat lortu arteko prozesu osoa ziklo bakoitzaren gaitasun tekniko eta espezifikoetatik eta une honetan izaera estrategikoa duten zeharkako gaitasunetatik abiatuta egituratuta dago.

Egoera problematikoak, kasu guztietan, taldetan eratutako gela batean planteatzen dira, non lan-prozesuak egoera erronka gisa bizitzeko aukera eman behar dien ikasleei, eta, hortik, behar duten ezagutza sortzeko aukera izango dute, irtenbiderik onenak eman ahal izateko.

3 - BALIOAK 4.0

BALIOAK 4.0 proiektuak Euskadiko LHra doazen pertsonei prestakuntza osoa ematen laguntzen du. Horretarako, pentsatzen ikasi behar dugu, eta gizarte-erantzukizun irizpideak inspiratzen dituzten hiru dimentsioen bidez munduari begiratzen: etikaren edo balioen dimentsioa, gizarte-dimentsioa eta ingurumen-dimentsioa. Era horretan lortuko ditugun profesionalek, beren lanaren bidez, jasangarriagoa eta gizalegezkoagoa den etorkizuna sortzen lagunduko dute.

4 - GUNEEN EGOKITZAPENA

Elkarlaneko ikaskuntzak lan-prozesu bat eta horietara egokitzen diren espazioak integratu behar ditu. Lanerako espazioak gela bat osatzen duten hormak baino askoz gehiago dira. Espazio malguak dira, erosoak, akustika onekoak, konexio malguak, IKTen erabilera errazten dutenak eta hormak margotu daitezkeenak.
Ikaskuntzarako gune berritzaileak (tknika.eus)
Ethazi guneak (ethazi.tknika.eus)

5 - KULTURA EKINTZAILEA

Ikasenpresa enpresa baten sorrera tresna metodologiko gisa erabiltzen duen heziketa-programa bat da.

Helburuak:

Ikasenpresa bat sortu; era horretan, ikasleak jabetu egiten dira ekintzailetzak zer esan nahi duen eta horretarako pausoak zeintzuk diren.
Ikasleen gaitasunak landu, horiek profesional onak (pertsona enplegagarriak, aktiboak eta ekintzaileak) eta barne-ekintzaileak bihurtzeko.
Ikasleek autoenplegua aukeratzat ikustea bultzatu.

Argibideak: Ikasenpresa (ekingune.tknika.eus)

6 - PENTSAMENDU SORTZAILEA

Adimen praktikoa garatzeko entrenamenduak, adimen sortzailean eta adimen exekutiboan eragiten duten jardueren bidez, helburuak zehazteko, balioa sortzen duten ideiak proposatzeko eta erabakiak hartzeko.

7 - IKASKUNTZA PROZESUAREN DIGITALIZAZIOA

Digitalizazioa etengabe lantzen aritu garen gaia izan bada ere, azken hilabete hauetan ikaskuntza prozesuaren digitalizazioak garrantzi berezia hartu du. Lan ildo honen
bitartez, ikaskuntza prozesuaren digitalizazioa burutzeko beharrezkoa den ibilbidea diseinatzea eta elikatzea dugu helburu, eta diseinatzearekin batera, tresnaz eta hauen erabileraz hornitu eta irakasle taldeetan hausnarketa burutu dadin ere bultzatu.

8 - EBALUAZIOA

Ebaluazioa, ikaskuntzak eta etekin handia ereduak proposatzen duen ikasleen ikaskuntza prozesuan eragiteko tresnetariko bat da. Ikaskuntza bera, ikasleak bere konpetentzien garapenaren eboluzioan hobekuntza konpromisoak hartu, jaso eta gauzatu ditzan lortzera bideratuta dago. Hau guztia gerta dadin, testuinguru, baliabide eta erreminta desberdinen arteko erlazioa aztertu eta estrategia eraginkor bat diseinatzea da lan ildo honen helburu nagusia.

9 - IKASKETARAKO TRESNAK

Ikasketa-bizkorgarriak:
Simulagailuak (errealitate birtuala, errealitate areagotua, murgilketak, elkarrekintzakoak) garrantzitsuak dira ikasketa-prozesuetan:

Ezagutza-transferentzia lasterra eta efizientea hornitzen dute.
Edozein gune ikasketa-gune bihur dezakete.
Pertsonak laguntzen ditu etorkizuneko gaitasunetarako.
Erraz eta zehatzagoa da ikasle batentzat lortutako konpetentziak errealitate birtual eta errealitate areagotu bidez erakustea, paper bitartez baino.
Tresna horien bitartez, ikasleek ikasi, entrenatu eta egiten dute.
Gai konplexuetarako, 3D-k lasterrago ulertzen laguntzen du.

3. Hedapena

1 - TKNIKAKO DINAMIZATZAILEAK

ETHAZI ikasketa-eredua ikertu eta garatu, eta Euskadiko LH ikastetxeetara eta beste zentro eta erakundeetara transferitu, direla estatukoak, direla nazioartekoak.

2 - aRituak

ETHAZI ikasketa-eredua garatu eta Euskadiko LHko ikastetxeei ezartzeko eta garatzeko bidean laguntza eman.

3 - IKASKETAREN KOORDINATZAILEAK

Euskadiko LH ikastetxe bakoitzean ikasketa-eredua aldatzeko prozesuaren buru aritu.

4 - IKT PEDAGOGOAK

Ikaskuntza prozesuaren digitalizazioa bultzatzea eta dinamizatzea.

5 - KULTURA EKINTZAILEA

Kultura ekintzailea sustatu eta dinamizatu, Euskadiko LHko hala ikasleen nola irakasleen artean.

6 - IRAKASLEAK

Euskadiko LH ikasketa-eredua aldatuko duten eragileak izan, baita ikasleei konpetentzia espezifikoak eta zeharkakoak garatzen lagundu eta gidaritza eman.

Hedapena errazten duten elementuak - Programak

1 - ENOLA: Ikaskuntza ereduaren autodiagnosia

eNOLA irakasle-taldeen zerbitzuko tresna bat da, ziklo bakoitzak ETHAZI etekin handiko ikasketa-eredua ezartzeko prozesua nola daraman autodiagnostikatzeko, eta, geroago, hobekuntza-ekintzak detektatu eta proposatzeko. Aldi berean, eredu hori prestakuntza-zikloan eta zentroan balioztatzeko modua ematen du.

2 - ETHAZI GUNEA: Web komunitatea

ETHAZI gunearen helburua Euskadiko LHko ikaskuntza-ereduari buruzko guztia jasotzea da. Espazio dinamiko horretan, irakasleek edukiak sortzea eta IKT pedagogoak eta ikaskuntza-koordinatzaileak dinamizatzea funtsezko faktoreetako bat da. Euskadiko LHko ikaskuntza-ereduari metodologia-aldaketan lagunduko dion tresna da.
https://ethazi.tknika.eus

3 - SET: Gaitasunak ebaluatzeko tresna

SET etekin handiko ikaskuntza, ETHAZI zikloen bilakaeran oinarritzen den konpetentzien araberako ebaluazio-ikuspegia lantzeko Tknikak proposatzen duen tresna bat da. Tresna hau duela 8 urte garatu zen, baina etengabe gehitzen zaizkio hobekuntza ugari, erabiltzaileek helarazten dizkiguten iradokizunen bitartez. Hasiera batean, irakasle-taldeek SET erabiltzen zuten zeharkako konpetentziak ebaluatzeko, baina egun normaltasunez erabiltzen da konpetentzia espezifikoetarako ere, eta irakasle-taldeek ikasleei egiten dizkieten iruzkinen euskarri gisa. SETi buruzko edozein galderatarako, jarri harremanetan helbide honekin: set@tknika.eus
Argibideak: SET

4 - IKASENPRESA

Kultura ekintzailearen sustapena
Kultura ekintzailea bultzatzen duen programa.

Enpresa-prototipo bat sortzean datza, enplegagarritasun-gaitasunak garatzeko eta autoenpleguan
sentsibilizatzeko.

Argibideak: ikasenpresa (ekingune.tknika.eus)

4. ETHAZI etekin handiko ikaskuntza-eredua ezartzeko irakaslegoarentzako prestakuntza-ekintzak

1 - EOP: HASIERAKO TREBAKUNTZA ETEKIN HANDIKO IKASKUNTZA-EREDUAN

Talde-lana, jarrera ekintzailea, pentsamendu sortzailea, komunikazio-trebetasunak, konpromisoa, elkartasuna eta espezialitate bakoitzeko berariazko gaitasunak dira, besteak beste, egungo lan-testuinguruan moldatu behar duten pertsonek garatu beharreko gaitasunak. Euskadiko LHko irakasleek, orain arte egin duten bezala, zeregin garrantzitsua dute, eta beren lana ikaskuntza-eredu aurreratuak aplikatzera bideratzen dute. Irakasleei erronka horretan laguntzeko, prestakuntza eskaintzen dugu, Euskadiko LHko ikaskuntza-eredua ezartzen hasteko gaitasun berriak garatzea helburu duena.

2 - EPA: PRESTAKUNTZA AURRERATUA ETEKIN HANDIKO IKASKUNTZA-EREDUAN

Helburua da Euskadiko LHko ikaskuntza-ereduan lanean ari diren irakasle-taldeen gaitasunak indartzea. EPA prestakuntzetan (Erronketan Sakontzen, Ebaluazioa, Gaitasun Digitalak, Sormenezko Pentsamendua…) parte hartzen duten irakasleak beren irakasle-taldearen ordezkari gisa joaten dira, eta beren gain hartzen dute informazioa eta ezagutza irakasleei beren zikloaren berri emateko konpromisoa.

3 - IKASKUNTZA KOORDINATZAILEARENTZAT FORMAKUNTZA

Prestakuntza-programa bat da, eta bere helburua parte-hartzaileei (etorkizuneko ikasketaren koordinatzaileei) haien zentroetan eredu-aldaketaren buru jartzeko behar konpetentziak ematea da. Hiru prestakuntza-sorta ditu:

Komunikazioa eta pertsonak.
Etekin handiko ikaskuntza-eredua, ETHAZI
Ikuspena eta proiektua.

4 - IKT PEDAGOGOENTZAT FORMAKUNTZA

Irakasle taldeetan ikuspegi digitala txertatzea helburu duen perfila prestatzea da prestakuntza (formakuntza) honen helburua. Gaitasun digitaletan trebatzeaz gain, etekin handiko ikaskuntza-eredu (ETHAZI) ikuspegian nola txertatu daitezken lantzea dugu helburu.

5 - KULTURA EKINTZAILEA

Kultura ekintzailea sustatu eta dinamizatu, Euskadiko LHko ikasleen eta irakasleen artean.

6 - IRAKASLE TALDEA

Euskadiko LH ikasketa-eredua egituratzeko elementu nagusi bat zikloko irakasle-taldea da, haren misioa baita egiten duen lana ikasketa-eredu aurreratuak aplikatzera bideratzea.

Irakasle Taldearen prestakuntzaren helburua zikloko irakasle-taldeari bidean laguntza ematea eta haien ongizatea eta errendimendua hobetzearren harreman-konpetentziak sendotzea da.

7 - ERRONKETAN MURGILTZEN (EPA)

Irakasle-taldeentzako prestakuntza aurreratua, Erronketan Oinarritutako Ikasketa Kolaboratiboaren testuinguruan (EoIK) jada lanean dabiltzanentzat, ikuspegi global batez honako helburuak aldean hartuta beren erronketan sakondu eta aberastu nahi dutenentzat:

Erronkak ikasgelako egoerari egokitu.
Ikasketa-prozesuko fase bakoitza dinamizatzeko teknikak ezagutu.
Erronken ikuspen komun eta global bat eskaini.
Zikloko irakasle-taldearen talde-lanean aurreratu eta ikasketa besteei helarazi.

8 - BALIOAK 4.0

9 - EBALUAZIOA

Erronka bidezko lanean eskuratutako ikasketen ebaluazioa garrantzi biziko gai bat da; izan ere, erronka horiek nola garatuko diren zehazten dute, neurri handi batean. Ebaluazio-taldekoek lagundu egin nahi diegu dagoeneko erronken arabera lanean dabiltzan irakasle-taldeei erronka-atal hori hobetzen, erabiltzen ari diren ebaluazio-ikuspegiari buruz gogoeta eginez, haien errubrikak hobetuz, haien ebidentzien kalitatea handituz edo hobetuz, ikasleei egiten zaizkien iruzkinak (feedback) programatuz eta emateko modua hobetuz, edo erronketan parte hartzen duten moduluen kalifikazio eta berreskurapen-prozesua diseinatuz.

10 - STEAM

Zertan datza ekimen hau? Zer egin dezakegu bilatzen den asmoari ekarpenak egin eta harekin bat etortzeko? Zertan mamitu daiteke lanbide-heziketako ikasleekin egiten den jarduera pedagogikoa? Nola diseinatuko ditut STEAM ekintzak nire ikasketa-arloan? …galdera horiek era praktikoan ebatziko ditugu prestakuntza-ekintza honetan.

11 - SOR-GIM PENTSAMENDU SORTZAILEA

Pentsamendu sortzailea martxan jartzeko konpetentzia edukitzeko eta, hartara, erronkak konpontzen balioa ematen duten ideiak eskaini ahal izateko, malgutasuna (pentsamendu-ildoak aldatzeko trebezia), naturaltasuna (ideia asko edukitzeko trebezia) eta originaltasuna (ideiak desberdinak izan, balioa eman eta egingarriak izateko trebezia) hezteko programak garatzen ditugu.

12 - ELKAR&EKIN

Ekintzailetza sustatzeko bideak. Ekintzailetzaren kultura ezagutzeko, ekintzaile-ekimena lantzeko, ideiak sortzeko eta horiek lantzeko prestakuntza-ibilbide bat da.

13 - KONPETENTZIA DIGITALAK

ETHAZI irakasle taldeak gaitasun digitalen garapenaren esparruan beharrezkoak dituen hobekuntzak bideratzeko prestakuntza da honakoa. Europar Komisioak landutako DIGCOMP markoaren 5 esparruetara zuzendutako formakuntza izango da.