Ethazi astea 2024

Sarrera hau beste hizkuntza hauetan dago eskuragarri: Español

TKNIKAtik irakasle-talde, ikastetxe zein espezialitateen arteko elkarlanerako sareak indartu nahi ditugu eta baita hainbat gai esanguratsuren inguruan aritzeko formakuntza saioak eskaini ere.

Horretarako  ekainaren 10tik 14ra formakuntza saio eta tailer ezberdinak egingo ditugu ETHAZI ikaskuntza testuinguruaren inguruan.

Jardunaldi eta topaketa hauek ETHAZI inplantazio fasean ari diren irakasleentzako edo Ethazi testuinguruan esperientzia edo/eta prestakuntza dutenentzat daude pentsatuak. ETHAZIk dakarren ikaskuntza prozesua ulertzeko moduan aurrera egiteko gakoak eskaintzea eta partekatzea da asmoa.

Formakuntza saioak on-line edo presentzialean eskainiko ditugu saioaren arabera.

Izen-ematea: www.tknika.eus (ikastaro atalean).

Izen-emate eta matrikulazio epea: Maiatzaren 24etik Maiatzaren 31era.

Ebazpena: 2024ko ekainaren 3tik 4era bitartean, izena eman duen pertsonari, emailez jakinaraziko zaio formakuntzan onartua edo baztertua izan den.

Onartuta izan den pertsonak kurtsora modu digitalean sartzeko informazioa eta jarraibideak email bidez jasoko ditu.

Parte hartzeko baldintzak:

• Inskripzio-orrian agertzen den helbide elektronikoa egiaztatu.
• Zure ETHAZI ereduan duzun esperientzia tailerraren mailarekin bat datorrela egiaztatu (oinarrizkoa edo aurreratua).
• Gomendatzen dugu on-line tailerretan kamera konektatzea.

Hautaketa irizpideak:

Plazak baino izena emandako pertsona gehiago badaude, izena emateko ordena errespetatuko da eta ikastetxe beretik gehienez 4 pertsona onartuko dira.

Programa

 

 

 

ekainak	formakuntza saioa	plazak	lekua	izen-ematea
10	Ebaluazioa ikaskuntzarako tresna gisa. Helburua: Tailerraren helburua irakasleak sentsibilizatzea da, ebaluazioa ikaskuntzarako tresna gisa erabil dezaten. Norentzat: Euskadiko lanbide heziketako irakasleentzat (oinarrizkoa). Ordua: 09:30 Iraupena: 1,5 ordu sinkrono Hizkuntza: elebidun	150 plaza	TKNIKA on-line
10	Zeharkako gaitasunak: diseinua, dinamizazioa, ebaluazioa eta kalifikazioa. Helburua: Oinarri batzuk aurkeztu eta erreferentziazko esperientziak aztertu ondoren, ikaskuntza ibilbide eta estrategia bat diseinatzeko gaitasuna entrenatuko dugu. Zeharkako gaitasunen garapena ikasleen talentua garatzeko prozesuan txertatuko dugu. Norentzat: Dagoeneko Ethazi ereduan lanean ari diren Euskadiko lanbide heziketako irakasleentzat (aurreratua). Ordua: 10:00 Iraupena: 3 ordu Hizkuntza: elebidun	50 plaza	Iurreta LHII aurrez-aurrekoa
11	Ekin arrakastaz: lankidetzarako estrategiak eta praktikak. Helburua: Egunerokoan Ethazi ereduan ekintzailetza lantzeko esperientzia arrakastatsuak ezagutzea. Norentzat: Euskadiko lanbide heziketako irakasleentzat (oinarrizkoa). Ordua: 09:30 Iraupena: 1,5 ordu sinkrono Hizkuntza: euskara*	150 plaza	TKNIKA on-line
11	ETHAZI OMHZn? Zer eromena, ezta? Helburua: Zaila ikusten duzu ETHAZI eredua oinarrizko graduan aplikatzea? ETHAZI oinarrizko gaitasuna aberasteko prestakuntza osagarria aurkezten dizugu. Horrek lagunduko dizu oinarrizko graduen berezitasunak identifikatzen, ulertzen eta horiei buruz hausnartzen, zure irakasle-taldearekin batera diseinatzeari ekin aurretik. Norentzat: Euskadiko lanbide heziketako oinarrizko graduko irakasleentzat (oinarrizkoa). Ordua: 12:00 Iraupena: 1,5 ordu sinkrono Hizkuntza: gaztelania	150 plaza	TKNIKA on-line
12	Gaitasunak zabaltzen adimen artifizialarekin. Helburua: Adimen artifizial sortzaileak gero eta presentzia handiagoa dauka hezkuntza-testuinguruan. ETHAZI astearen tailer honetan, zertarako balio diezagukeen ulertzearen garrantzia azpimarratuko dugu eta gure jardun profesionala eta ikaskuntza-prozesua aberasteko eta ikasleen zein irakasleen gaitasunak zabaltzeko lantzen ari diren aplikazio adibideak ikusiko ditugu. Norentzat: Euskadiko lanbide heziketako irakasleentzat (oinarrizkoa). Ordua: 09:30 Iraupena: 1,5 ordu sinkrono Hizkuntza: euskara	150 plaza	TKNIKA on-line
12	Ekintzailetza zikloan elkarrekin garatuz. Helburua: Erronka baten pausuak jarraituz ekintzailetza gaitasunak zikloan garatzeko eta dinamizatzeko teknikak landuko ditugu. Norentzat: Euskadiko lanbide heziketako irakasleentzat (oinarrizkoa). Ordua: 10:00 Iraupena: 3 ordu Hizkuntza: euskara	50 plaza	Iurreta LHII aurrez-aurrekoa
13	Taldeko lana indartuz: Ikasleen arteko lankidetza sustatzeko estrategiak. Ikasleen artean bakarrik? Helburua: Nola garatzen dugu ikaskuntza kolaboratiboa ikasleekin? Nola egiten dugu lan irakasle-talde gisa? Zer dakigu elkarlanari buruz? Nola aplikatu eta egituratu, eraginkortasuna hobetzeko? Zenbait gako praktiko landuko ditugu, zure irakaskuntza-lanean berehala aplikatu ahal izango dituzunak. Norentzat: Dagoeneko Ethazi ereduan lanean ari diren Euskadiko lanbide heziketako irakasleentzat (aurreratua). Ordua: 10:00 Iraupena: 3 ordu Hizkuntza: elebidun	50 plaza	Iurreta LHII aurrez-aurrekoa
13	Ethazi eredua: balioak lantzeko testuingurua Helburua: FP Euskadiko ikaskuntza-ereduak testuinguru ezinhobea eskaintzen du balioen prestakuntza ere lantzeko. Ezagutu nahi al duzu zergatik? Norentzat: Euskadiko lanbide heziketako irakasleentzat (oinarrizkoa). Ordua: 12:00 Iraupena: 1,5 ordu sinkrono Hizkuntza: elebidun	150 plaza	TKNIKA on-line
14	Ikaskuntza esanguratsuagoa eraikitzen: Gogoeta eta Feedbacka ikasleekin Helburua: Tailer honetan ikaskuntza esanguratsua sustatzeko, irakasleek ikasleekin hausnarketarako eta feedbackerako une eraginkorrak nola diseinatu aztertuko dute. Gogoeta sustatzeko estrategia praktikoak eskainiko dira, baita ikaskuntzaren hazkundea bultzatuko duen feedback eraikitzailea eskaintzeko teknikak ere. Norentzat: Dagoeneko Ethazi ereduan lanean ari diren Euskadiko lanbide heziketako irakasleentzat (aurreratua). Ordua: 09:30 Iraupena: 1,5 ordu sinkrono Hizkuntza: elebidun	150 plaza	TKNIKA on-line
14	ETHAZI eredua aberasten – Inspiraziorako txokoa Helburua: Ethazi astea bukatzeko, eredua aberasten duten eta gure eguneroko jardunerako inspiratzeaileak izan daitezkeen praktikak aurkeztuko dizkigute. Norentzat: Dagoeneko Ethazi ereduan lanean ari diren Euskadiko lanbide heziketako irakasleentzat (aurreratua). Ordua: 12:00 Iraupena: 1,5 ordu sinkrono Hizkuntza: euskara	150 plazas	TKNIKA on-line

* Ikastetxeetako ikaskuntza esperientziak edo adibideak elebidunak izango dira.