Tknikak Libanoko irakasleak hartu ditu LH indartzeko eta Palestiako gazteen aukerak hobetzeko
Sarrera hau beste hizkuntza hauetan dago eskuragarri: English, Español
Tknikak gaur Libanoko gazte errefuxiatu palestinarrekin lan egiten duten irakasleak hartu ditu, Begoña Pedrosa Hezkuntza Sailburuak zuzendu duen topaketan, eta parte hartu dute baita Lanbide Heziketako sailburuordeak, Jon Labaka, eta Tknikako zuzendariak, Pili Alonso.
Bisita hau Hezkuntza Sailak eta eLankidetzak UNRWArekin elkarlanean bultzatutako nazioarteko lankidetza-programaren barruan dago, Libanoko Lanbide Heziketa modernizatzea eta gazteriaren aukerak handitzea helburu duena.
Euskadin egonaldian, Libanoko irakasleek hainbat LH zentro bisitatu dituzte Bizkaian eta Gipuzkoan eta ezagutu dute Tknika eta iTlent erakundeen lana, berrikuntza eta ETHAZI bezalako metodologia aktiboetan erreferente direnak. Topaketak egin dituzte irakasle eta ikasleekin, bereziki inklusioan arreta jarriz.
Proiektuak curriculumak eta ekipamenduak eguneratzea, zuzendaritza eta irakasle-taldeen prestakuntza, lan-eskaera handiko arloetan programak diseinatzea eta enpresekin harremanak indartzea barne hartzen ditu. Aurrekontua 500.000 eurokoa da, Hezkuntza Sailak eta eLankidetza kofinantzatua.
Pedrosak nabarmendu du “euskal LH eredua nazioartean sortzen duen konfiantza” eta azpimarratu du Euskadik ezagutza partekatzen duela “enplegagarritasuna hobetzeko eta pertsona errefuxiatuen ongizatea eta duintasuna bermatzeko”.
