Robot bidezko Fabrikazio Aditiborako CAM Programazioa (PowerMill) ikastaroaren amaiera
Sarrera hau beste hizkuntza hauetan dago eskuragarri: Español
Aurreko asteko urtarrilaren 17an amaitu da “Robot bidezko Fabrikazio Aditiborako CAM Programazioa (PowerMill)” ikastaroa, zortzi saiotan zehar online formatuan egin dena.
PowerMill CAM soluzio bat da, funtsezkoa robot inguruneetan fabrikazio aditibo metalikoko prozesuak programatzeko. Robot bidezko fabrikazio aditibo metalikoan, gero eta konplexuagoak diren pieza eta geometriak egin daitezke eta hauek modu eraginkorrean egiteko ezinbestekoa da CAM soluzio bat erabiltzea, fabrikazio estrategia eta parametro egokiak aukeratuz ondoren robot ingurune batean prozesatzeko.
Formakuntza ekintza honek Tknikan garatzen ari garen robot bidezko Fabrikazio Aditibo Metaliko proiektuaren barne formakuntza beharrei erantzuten die, eta bertan Euskadiko LHko 10 ikastetxeetako 12 Lanbide Heziketako irakaslek parte hartu ahal izan dute, gehienak fabrikazio mekanikoko prozesuetan beren proiektuetan lotuta eta bereziki robot ingurunetan fabrikazio aditibo aplikazioetan interesatuta.
Ikastaroaren helburuak bi izan dira, alde batetik CAM ingurune batean –PowerMill– operatzeko gai izatea eta bertan ariketa praktiko sinple bat egitea, eta bestetik, arku bidezko energia zuzeneko deposizioaren (DED) bidez metalaren fabrikazio aditiborako fabrikazio estrategia nagusiak adibide praktikoetan aplikatzeko gai izatea.
Ikastaroa zortzi saiotan garatu da, 3 orduko bakoitza. Saioetan PowerMillen oinarriak, fabrikazio aditiborako ibilbide-estrategiak, PowerMill Robot pluginaren konfigurazioa eta robot industrial marka desberdinetarako post-prozesatua landu dira. Ikastaro osoan zehar ariketa praktikoak proposatu eta egin dira pieza sinple eta funtzionalekin WAAM erabiliz.
Ikastaroaren balorazioa oso positiboa izan da eta CAM tresna garrantzitsu honekin lanean jarraitzeko aukera ematen digu, fabrikazio aditibo robotikoko prozesua optimizatzen duena, ibilbide konplexuak modu eraginkorrean programatzeko aukera emanez eta garapen-denborak murriztuz. Programazio tresna gisa prozesu-parametroen zehaztasun zehatza, deposizio-kordoien kontrola eta kudeaketa termikoa errazten ditu, fabrikatutako piezen kalitatea bermatzeko funtsezko elementuak.
Azkenik esan PowerMill gure fabrikazio aditiboko aplikazioetan erabiltzea ahalbidetuko digula, bai makinaren bai robotaren inguruneetan, eta Lanbide Heziketaren sistema osorako transferentzia-eremu oso garrantzitsua dela adieraztea, fabrikazio aditibo metalikoko prozesuetan lan egiten duten irakasleentzat, eta hauen bidez ikasleentzat eta gure inguruko enpresentzat.
