Baserriberri proiektuaren ebaluazio jardunaldia Hendaian
Sarrera hau beste hizkuntza hauetan dago eskuragarri: Español
Mugaz gaindiko lankidetza-programak ebaluazio-jardunaldi bat egin zuen Azaroaren 20an, eta, bertan, mugaren bi aldeetako erakundeek prestakuntzaren, orientazioaren eta laguntza profesionalaren arloan elkarrekin egindako lanaren ondorioak partekatu zituzten. Saioa 9:00etan hasi zen parte-hartzaileen harrerarekin eta eguneko lan planaren aurkezpenarekin
Goizean zehar, orientazio profesionaleko taldeek —Oarosaldea, SNE NL Doneztebe-Santesteban eta MLPB—, irakasleekin eta Tknikako ordezkariekin batera, proiektuaren fase desberdinetan egindako laguntza-prozesuaren emaitzak azaldu zituzten: prestakuntza metodologikotik eta hasierako mintegietatik hasi eta prestakuntzan zehar egindako jarraipeneraino eta parte-hartzaileen egungo egoeraraino, prestakuntza amaitu ondoren.
Arratsaldean, Iniciativas Innovadoras erakundeak diru-itzulketa eskaeren egoerari, egindako kontroleei eta egin gabe zeuden deklarazio-betebeharrei buruzko informazioa eman zuen, baita programaren amaierako fasean birbideratu litezkeen aurrekontuei buruz ere.
Bloke garrantzitsu bat proiektuaren erreproduzigarritasuna bermatzeko gomendioei buruzkoa izan zen. Jardunbide egokiak sendotzeko eta metodologia hobetzeko tresnen proposamenak aurkeztu ziren, baita etorkizuneko lan- eta lankidetza-guneen plangintza ere, besteak beste, irakasleak prestatzeko esperientzia pilotu bat eta Baionan 2026ko martxoan aurreikusitako solasaldi bat.
Jardunaldia amaitzeko, komunikazio-ekintzak aztertu ziren, zabaldu beharreko mezuak zehaztu ziren, eta ekintza berriak proposatu ziren: bideoen ekoizpena, storytelling tresnak, 2025eko abenduaren 11n prentsari eskainitako jardunaldi bat eta proiektuaren amaierako mintegiaren antolaketa.
