LCAMP: Fabrikazio Aurreratuko Bikaintasun Profesionaleko Zentroa abian da
Sarrera hau beste hizkuntza hauetan dago eskuragarri: English, Español
Irailaren 7an eta 8an, Donostian (Euskal Autonomia Erkidegoan) LCAMP: Lanbide Bikaintasuneko Ikastetxeetarako Ikaslea Ardatz duen Fabrikazio Aurreratuko Plataforma proiektua abiarazteko bilera egin zen. Bilera proiektuaren koordinatzaileak, TKNIKAk, antolatu zuen, Berrikuntza eta Ikerketa Aplikatuko Euskal Autonomia Erkidegoko Zentroak, eta partzuergoko kide diren 20 bazkideen ordezkariak bildu zituen (LHko hornitzaileak, industria-elkarteak eta LHko elkarteak).
LCAMP proiektuaren helburua eskualdeko fabrikazio aurreratua babestu eta sustatzea da, Bikaintasun Profesionaleko Zentroa erresistenteagoa eta berritzaileagoa izan dadin eta hobeto hornituta egon dadin ikasle gazteak eta helduak prestatzeko, eguneratzeko eta birkualifikatzeko, trantsizio digital eta berdeei arrakastaz aurre egiteko. Gainera, LCAMPk hazten eta lehiakorragoak izaten laguntzen die eskualdeei, LHko sistemen bidez.
Lehenengo egunean, proiektua ofizialki 2022ko ekainaren 15ean hasi ondoren, bazkideek aurrez aurre biltzeko aukera izan zuten. Proiektuaren koordinatzaileak, TKNIKAk, hasi zuen bilera, proiektua kudeatzeko jarraibideak berrikusita. Arratsaldean, etorkizuneko Ikaslean Zentratutako Fabrikazio Aurreratuko Behatokiaren (WP3) helburuei buruz eztabaidatu zuten bazkideek, Mécanic Vallée-k zuzenduta. Behatoki horrek hainbat herrialdetako adituak (enpresakoak eta hezkuntzakoak) bilduko ditu, fabrikazio aurreratuaren joerak bildu eta hauek LHren ikuspegitik aztertzeko. Saio horren ondoren, EARLALLek zuzendutako Fabrikazio Aurreraturako Bikaintasun Profesionalaren Europako Plataforma (WP2) sortzeko lehen urratsei buruzko eztabaidatu zuten.
ADMAren TranS4MErs proiektuarekin lankidetzan aritzeko aukerak aztertzeko saio espezifiko bat antolatu zen. Proiektu hori Fabrikazio Aurreratuari Laguntzeko Europako Zentroak (ADMA) etorkizunerako prestatuta egongo den Europako manufaktura-industria jasangarria sendotzeko egiten dituen ahaleginetan oinarritzen da. Irish Manufacturing Research-eko Tamara Wierks-ek, ADMA TranS4MErs proiektuaren koordinatzaileak, proiektuaren bisioa eta LCAMP proiektuarekin lankidetzan aritzeko aukerak aurkeztu zituen.
Bigarren egunean, bazkideak adimen artifizialean espezializatutako Miguel Altuna LHko zentroan bildu ziren. DHBW-Duale Hochschule Baden-Württemberg-ek KIC-Knowledge Innovation Centre-rekin lankidetzan zuzendutako saioan, fabrikazio aurreraturako mikrokredentzialei buruzko kualifikazio/prestakuntza zerbitzuak nola sortu hobeto ulertzen jardun ziren bazkideak. Horrez gain, bi tailer antolatu ziren: bata, fabrikazio aurreratuko prestakuntzarako fabrika-laborategi bat sortzeko, nazioartean konektatutako Ikaskuntzako Fabriken bidez (WP6), Miguel Altunak zuzenduta; eta bestea, berrikuntzari, ikerketa aplikatuari eta ETEekiko konexioari buruzkoa, TKNIKAk, AFILek, Associazione Fabbrica Intelligente Lombardiak, CAMOSUN Collegek eta AFM-Advanced Manufacturing Technologies eta Makina-Erreminta Fabrikatzaileen Espainiako Elkarteak antolatuta.
Azkenik, bazkideek hedapen-estrategiak hobeto nola aplikatu sakondu zuten, LCAMPeko ikusgarritasuna eta irismena zabaltzeko ideia berriak emanez. LCAMPko komunikazio-kanalei inguruko informazioa datozen asteetan jakinaraziko da.
Proiektuaren hurrengo bilera Mécanic Vallée-k eta Campus des Métiers et des Qualifications d ‘Excellence Industrie du Futur-ek antolatuko dute Toulousen 2023ko urtarrilean.
