Internet of Machines (IoM)

4.0 Industria kontzeptuak aldaketa handiak dakartza industria-esparruan eta bere helburu nagusia da prozesu produktiboak fabrikazioaren digitalizazioaren bidez eguneratzea, lehiakortasuna irabazteko eta bezeroari zuzendutako produkzio bat ezartzeko. Paradigma-aldaketa horrek dituen ezaugarri nagusien artean, aipamen berezia behar dute malgutasunak eta elkarreragingarritasunak.

Eredu-aldaketa horrek teknologia erraztaile batzuk gehitzea eskatzen du, eta teknologia horien ikuspegi globala duten profesionalak, egungo fabrikazio-prozesuak fabrikazio-paradigma berrira egokitzeko. Horrek, ziur asko, lanbide-profil berriak sortzea ekarriko du berekin, eta lehendik daudenak eguneratzea. Eredu berria aplikatzea erraztuko duten teknologien artean, hauek nabarmendu daitezke:  sistema ziberfisikoak (CPS), Industrial Internet of Things (IIoT), robotika kolaboratiboa (COBOTS), eransketa bidezko fabrikazioa, 3D inprimaketa, bigdata, adimen artifiziala (AI), zibersegurtasuna, LEAN kudeaketa-sistemak, etab.

Proiektu honetan Industrial Internet of Things (IIoT) esparruan lan egingo dugu bereziki. Gure helburu nagusia izango da IIoT-arekin lotutako zikloak ematen dituzten Euskadiko Lanbide Heziketako irakasleen premiak identifikatzea eta horiek trebatzea beren ezaguerak eta prestakuntza, industriaren premia berrietara egokitu ditzaten. Proiektu honen helburu espezifikoen artean hauek daude:

Proiektu honetan, bereziki, industria-prozesuen digitalizazioarekin lotutako teknologiak landuko ditugu; digitalizaziotzat hartuko ditugu Industria-Internet of Things (IIoT) eta industria-prozesuen birtualizazioarekin (digital twin) lotutako teknologia guztiak. Gure helburu nagusia da Industria 4.0 kontzeptuarekin zerikusia duten zikloak ematen dituzten Euskadiko lanbide-heziketako irakasleen beharrak identifikatzea eta beren ezagutzak eta prestakuntza industriaren premia berrietara egokitzeko gaitzea. Proiektu honen berariazko helburuen artean daude:

• Industriak fabrika adimendunen (Smart Factories) esparruan erabiliko dituen protokoloak eta arkitekturak aztertzea eta soluzioak proposatzea, beharren arabera PLC-ak eta Gateway-ak on premise edo hodeiko plataforma batekin komunikatzeko.
• Enpresekin elkarlanean aritzea sistema ziberfisiko (CPS) kontzeptuan oinarritutako laborategiak garatzen.
  • SMC International Training-ekin elkarlanean aritu gara, 4.0 Industriarako (SIF-400) trebakuntza ekipamendua garatzen eta probatzen.
  • Festo didactic-ekin ere lan egiten da.
• Tknikako nazioartekotze-alorretik “Excellent Advanced Manufacturing 4.0” Europako Proiektua zuzentzen da, non IoM espezializazio-arloak parte hartzen baitu.
• IIoT sistema baten bloke funtzionalak aztertzea, eta datuak bildu eta aztertzeko eta prozesuetan jarduteko tresnak eta teknologiak probatzea.
• Hardwarean eta softwarean oinarritutako kontzeptu- eta prestakuntza-probak egiten ditugu, hala nola Raspberry Pi, Arduino eta Node Red, Thingsboard eta Azure IoT.
• IIoT sistema baten bloke funtzionalak analizatzea eta zenbait erreminta eta teknologia probatzea datuen bilketa eta analisia egiteko eta prozesuen gainean jarduteko.
• Simulagailu industrialekin eta garapen inguruneekin lan egitea prozesu industrialak birtualizatzeko:
  • Biki digitalak sortzeko inguruneak: Simumatik, Factory I/O.
  • Roboten offline simulazioa eta programazioa: RoboDK erabiltzen dugu arlo honetan.
  • PLCen programen simulazioa: PLCSim Advanced, Codesys, etab.
• Industria 4.0rekin lotutako networking eta automatizazio ekipoen fabrikatzaileen berrikuntzen berri izatea.
• FPeuskadiko irakasleei fabrikazio-paradigma berrira egokitutako lanbide-profilak bultzatzeko aukera emango dieten prestakuntzak garatzea.