Kurtso honek kosmetika naturalaren oinarriak lantzea du helburu, sendabelarren erabilera praktikoan oinarrituta. Garbiñe Larrea-ren eskutik, parte-hartzaileek landareen propietateak ezagutuko dituzte eta horiek eguneroko zaintza pertsonalerako produktu naturalak sortzeko nola erabili ikasiko dute. Ikastaroa ikuspegi praktikoan oinarritzen da, parte-hartzaileek beren formulazio propioak sortzeko gaitasuna garatu dezaten.
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 3.00 | 11-05-2026 | 15:00 – 18:00 | Presentziala |
| 2 | 3.50 | 22-05-2026 | 15:00 – 18:30 | Presentziala |
| 3 | 3.50 | 02-06-2026 | 15:00 – 18:30 | Presentziala |
| Ordu ez Presentzialak: 10.00 |
Konpetentziak
Gaitasun orokorra:
- Kosmetika naturalaren oinarrizko printzipioak ulertzea.
- Sendabelarren erabilera arduratsua eta egokia egitea.
- Autonomia garatzea produktu naturalen sorkuntzan.
- Lan praktikoan zehaztasuna eta higienea aplikatzea.
Gaitasun espezifikoak:
- Hainbat sendabelar identifikatu eta aspektu ekologikoak ezagutu.
- Sendabelarren propietate nagusiak identifikatzea eta aplikatzea.
- leatoak eta hidrolatoak modu egokian prestatzea.
- Serum eta aurpegiko kremak formulatzeko oinarrizko teknikak erabiltzea.
- Xaboi solidoak sortzeko prozesua ulertzea eta gauzatzea.
- Kosmetika naturaleko formulazio sinpleak diseinatzeko gaitasuna eskuratzea.
Edukiak
Ikastaroan zehar honako eduki hauek landuko dira:
-
Sendabelarren oinarrizko ezagutza: propietateak, erabilerak eta aukeraketa irizpideak.
-
Landareen erauzketa teknikak: oleatoak eta hidrolatoak.
-
Kosmetika naturaleko formulazioaren hastapenak.
-
Produktu praktikoen elaborazioa:
-
Oleatoak
-
Hidrolatoak
-
Serumak
-
Aurpegiko kremak
-
Xaboi solidoak
-
-
Segurtasun eta higiene neurriak kosmetika naturalaren elaborazioan.
Metodologia
Ikastaroak izaera praktiko nabarmena izango du. Saio teoriko laburrak egingo dira oinarrizko kontzeptuak azaltzeko, baina denbora gehiena tailer praktikoetan emango da. Parte-hartzaileek zuzenean prestatuko dituzte produktuak, pausoz pauso gidatuta, eta sortutako formulazioak etxera eramateko aukera izango dute. Talde-lana eta esperimentazioa sustatuko dira.
Lehen online saioetan aurretik jakin beharreko informazioa emango da, irakasleek saio praktikoetako edukiak aldez aurretik ezagutzea komenigarria delako.
Ebaluazioa
Ebaluaketarako irizpideak betetzeko formakuntza presentzial orduen %90a betetzea da eta baita proposatutako ariketak entregatzea ere.
Baldintzak
EAEko Lanbide Heziketako familia profesional batean irakaslea izatea.
Hautaketa irizpideak
Izen-emate kopuruak eskainitako plaza kopurua gainditzen badu, ondoko irizpideak jarraituz aukeraketa egingo da:
- Izen-emate ordena kontuan izango da.
- Ikastetxe bakoitzeko pertsona baten partehartzea lehenetsiko da.
Izen-emate datak eta informazioa
Izen-emate epe maximoa: 2026ko apirilak 29.
Ebazpena: 2026ko apirilaren 30ean jakinaraziko zaio, posta elektroniko bidez, izena eman duen pertsonari prestakuntzan onartua izan den ala baztertua izan den.
Onartutako pertsona zuzenean matrikulatuko da.
Prestakuntzara joaterik ez badago, aldez aurretik abisatu beharko da.
Prestakuntza-ekintza hau Europako Gizarte Funtsak kofinantzatu dezake, Lanbide Heziketako eta Prestakuntzako irakasleak prestatzera bideratutako ekintzen esparruan.
