Ibilgailu autonomoen oinarri teknologikoak, Comma.ai/Openpilot sistemen inplantazioa eta ADAS ekipoen kalibrazioa aztertuko dituena.
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 4.00 | 15-06-2026 | 09:30 – 13:30 | CIFP Meka LHII |
| 2 | 4.00 | 17-06-2026 | 09:30 – 13:30 | CIFP Meka LHII edo CIFP Don Bosco LHII |
| 3 | 4.00 | 18-06-2026 | 09:30 – 13:30 | CIFP Meka LHII edo CIFP Don Bosco LHII |
| Ordu ez Presentzialak: 0.00 |
Konpetentziak
Ikastaroa amaitzean, parte-hartzaileak gai izango dira:
- Gidatze autonomoaren oinarri teknologikoak eta indarrean dagoen legediaren esparrua ezagutzeko eta interpretatzeko.
- Comma.ai gailua eta Openpilot software libreko sistema ibilgailuetan nola ezartzen, inplantatzen eta konfiguratzen diren ulertzeko.
- ADAS sistemen arkitektura ezagutzeko eta tailerrean horiek kalibratzeko prozesu eta protokolo praktikoak aplikatzeko.
Edukiak
1. Multzoa:
Drivemind proiektua eta Comma.ai gailuaren inplantazioa (Meka LHII)
Drivemind proiektuaren inguruko azalpen praktikoak.
Comma.ai hardwarearen eta Openpilot softwarearen ezarpena eta integrazioa ibilgailuan.
2. Multzoa:
Gidatze autonomoaren oinarriak eta Kontrol Praktikoa (Meka LHII)
Gidatze autonomoaren inguruko hastapen teorikoak eta indarrean dagoen legediaren deskribapena.
Saio praktikoa: Ibilgailuko aktuatzaileen kontrola, datuen eskuratzea (gailu/sentsore bidez) eta datu-gestioa.
3. Multzoa:
ADAS (Gidatzeari Laguntzeko Sistema Aurreratuak) sistemen azalpena eta funtzionamendua.
ADAS sistemen kalibrazio-prozesu eta protokolo praktikoak.
Metodologia
Prestakuntza hau ikuspegi teoriko-praktiko batean oinarrituko da.
Meka eskolan egingo den lehenengo egunean, partaide guztiek Drivemind proiektuaren inguruko azalpenak jasoko dituzte eta Commai-a ibilgailu batean nola inplantatu ikasiko dute. Egun hortan
taldea bitan banatuko da.
Bigarren egunean talde erdia Don Boscora joango da ADAS sistemen inguruko saioetara eta beste erdiak Mekan ibilgailu autonomoen inguruko teknologia eta legeak inguruko Saioa jasoko du.
Hirugarren egunean talde aldaketa burutuko da.
Ebaluazioa
Formakuntza jarduera hau gainditutzat jotzeko eta dagokion ziurtagiria eskuratzeko, parte-hartzaileek baldintza hauek bete beharko dituzte:
Asistentzia kontrola: Saio sinkronoetara (aurrez aurrekoetara) gutxienez %80ko asistentzia izatea.
Parte-hartze aktiboa: Tailerrean antolatutako saio praktikoetan parte-hartze zuzena eta aktiboa izatea (bereziki Comma.ai gailuaren inplantazioan, aktuatzaileen kontrolean eta ADAS sistemen kalibrazio-prozesuetan).
Baldintzak
Euskadiko Lanbide Heziketako irakaslea izatea.
Hautaketa irizpideak
Ahaleginak egingo dira inor baztertuta ez geratzeko, baina eskaeren kopurua eskainitako plaza kopurua baino handiagoa bada, hautaketa irizpide hauen arabera egingo da:
· Lanbide heziketako ondoko familiako irakasleek lehentasuna izango dute:
Garraioa eta ibilgailuen mantentze lanak
Elektrizitate eta elektronika
Informatika eta komunikazioak
· Zentro bakoitzeko gehienez 2 pertsonen parte-hartzea lehenetsiko da.
· Izen-ematearen ordena
Izen-emate datak eta informazioa
Izen emate epea: Ekainaren 1-etitik 10-era
Ebazpena: 2026-ko Ekainaren 11-an, jakinaraziko zaie posta elektroniko bidez izena eman duten pertsonei onartuak izan diren ala ez.
Prestakuntza-ekintza hau Europako Gizarte Funtsak kofinantzatu dezake, Lanbide Heziketako eta Prestakuntzako irakasleak prestatzera bideratutako ekintzen esparruan.
