NAIA - Elektronika aurreratu eta jasangarrian mugaz gaindiko berrikuntzarako ikuspegi berria. Formakuntzara, gaitasunak garatzera eta produktu elektroniko industrial aurreratu eta jasangarrien garapenera bideratutako plataforma teknologiko partekatu baten garapena.

Proiektu honen jabea:Nazioartekotze arloa

NAIA proiektua Europar Batasunak %65ean kofinantzatu du Interreg VI-A Espainia–Frantzia–Andorra programaren bidez (POCTEFA 2021–2027). POCTEFAren helburua Espainia–Frantzia–Andorra mugaz gaindiko eremuaren integrazio ekonomiko eta soziala indartzea da.

Helburu espezifikoa
Digitalizazioaren abantailak baliatzea herritarrentzat, enpresentzat, ikerketa-erakundeentzat eta administrazio publikoentzat.

Lehentasuna eta helburu politikoa
OP1. Europa adimentsuagoa
P1. Ezagutza eta berrikuntzarako espazio komun bat sortzea, eraldaketa digitala eta hazkunde jasangarria bultzatuz.

Datak
Hasiera data: 2026/01/01
Amaiera data: 2028/12/31
Iraupena: 36 hilabete

Proiektuaren laburpena
NAIA proiektuak ESPACE COMMUN izeneko plataforma teknologiko mugaz gaindikoa sustatzen du, elektronika aurreratuan, adimen konektatuan eta fabrikazio kognitiboan ezagutza transferitzeko.

POCTEFA lurraldeko erronkei egiten dien ekarpena:

  • Arrakala teknologikoen murrizketa: Euskadi eta Pirinio Atlantikoen arteko azpiegitura desberdintasunak murrizten ditu, baliabide partekatuen bidez.
  • Gaitasunen lerrokatzea: lurraldeen arteko prestakuntza harmonizatzen laguntzen du, gaitasun profesionalen desberdintasunak murriztuz.
  • Lehiakortasunaren indartzea: ETEei digitalizazioan eta Industria 5.0ean espezializatutako prestakuntza eskuratzeko aukera ematen die.
  • Hezkuntza–industria lotura: prestakuntza-zentroen eta sektore estrategikoen arteko lankidetza sustatzen du (aeronautika, automozioa, defentsa eta elektromedikuntza).
  • Mugaz gaindiko lankidetza: ezagutza, baliabideak eta konponbideak partekatzeko ekosistema bateratua sortzen du.
  • Jasangarritasuna: baliabideen erabilera eraginkorra eta osagai elektronikoen birziklapena sustatzen ditu.

Emaitza nagusiak

  • ESPACE COMMUN plataformaren garapena, unibertsitate, hezkuntza-zentro, ETE eta administrazioentzat eskuragarri.
  • Teknologia aurreratuetan eta digitalizazio-prozesuetan prestakuntza espezializatua eta baliabide pedagogiko berritzaileak.
  • Baliabideen optimizazioa eta berrikuntza partekatua, kostuak murriztuz eta garapen bateratua sustatuz.

Onuradunak

  • Unibertsitateak, prestakuntza- eta ikerketa-zentroak: baliabide pedagogiko aurreratuak eta teknologia disruptiboetako prestakuntza eskuratuko dute, nazioarteko lankidetza, berrikuntza eta enplegagarritasuna indartuz (18 erakunde + 500 ikasle baino gehiago).
  • Enpresak eta sektore pribatuko erakundeak: batez ere ETEak eta elkarteak, digitalizazioa eta berrikuntza sustatuko dituzte prestakuntza espezializatuaren, tailer praktikoen eta baliabide teknologikoen bidez (100 erakunde).
  • Administrazio publikoak: mugaz gaindiko lankidetza indartuko dute, berrikuntza, digitalizazioa eta lurraldearen hazkunde ekonomikoa sustatzen duten estrategiak garatuz (3 erakunde).

 

 

 

 

 

 

 

 

 

 

 

 

POCTEFA webgunerako esteka >
Europar Batasuneko Eskualde Politikaren webgunerako esteka >