UI: FP EUSKADI EKINTZAILEA: ekintzailetza kultura

Konpetentziak

Prestakuntza jarduera honen bidez, gaur egungo Euskadiko LHk duen Ekintzailetza Kulturaren eredua landuko dugu.

Horretarako, Lanbide Heziketako irakasleekin Kultura Ekintzailea landuko dugu, horrela ikastetxeetan modu ekintzaile eta berritzailean jardun dezaten. Horrekin batera, Ikasenpresa proiektua aztertuko dugu; proiektu horretan, tresna metodologiko gisa erabiltzen da enpresak sortzea.

Beste alde batetik, ekimen sortzailea landuko dugu, ezagutzera emateko nola dinamizatzen den Urratsbat programa (LHko ikastetxeetan garatzen ari den enpresak sortzeko programa, hain zuzen ere), eta oinarrizko zein fasez osatuta dagoen; enpresak martxan jartzeko programak dituen oinarrizko tresnak eskainiko ditugu, eta talde lanaren garrantzia aztertuko dugu.  

Horretarako, helburu orokor hauek planteatzen dira:
o    Ekimen sortzailea LHko ikastetxeetan txertatze prozesua erraztea.
o    Ikastetxe barruan lantzeko ekintzailetzari buruzko oinarrizko ezagutzak eskaintzea.
o    Irakasleak jabearaztea zein garrantzitsua den ikasleek zeharkako gaitasunak lantzea, ondoren garapen profesionala garatzeko.
o    Lantalde baten barruko rolak zein izan litezkeen ezagutzea.
o    Irakasleak gaitu negozio ideiak sortzeko.
o    Irakasleak orientatzea negozio eredu baten hasierako diseinurako gidari gisa jardun dezaten.
o    Eskuragarri jartzea merkatu ikerketa egiteko beharrezko tresnak.
o    Negozio ideia baten Marketing Mix-eko estrategia garatzea.
o    Urratsbat programa ezagutzera ematea, eta haren fase eta emaitzak aztertzea.
o    Gai hauen gainean gogoeta egitea: batetik, lantaldea; bestetik, sarean lan egitea, tresna indartsua.
o    Ekarpenak egitea dinamizatzailearen rola definitzeko: zer elementuk definitzen dute?
o    Ikastetxean aplikatzeko moduko Sentsibilizazio Plan bat zein izan litekeen jakitea eta diseinatzea.