ROS (Robot Operating System) middleware-aren inguruko oinarrizko ezagutzak lortzeko ikastaroa da honako hau.
Ikastaro hau bere osotasunean era ez presentzial batean egiteko diseinatuta dago. Hortaz, ez dauka ezarritako ordutegi finko bat. Ikaslea, berak nahi duenean joan daiteke ikastaroa burutzen.
Konpetentziak
Ikastaro honetan ondorengo konpetentziak lortuko dira:
- ROS zer den eta zertarako erabiltzen den ulertzea.
- ROS-en arkitekturaren oinarriak eta berau osatzen duten elementuak zeintzuk diren ezagutzea.
- ROS-ek, bere azterketarako eskaintzen dituen erremintak erabiltzea.
- ROS sistema bat osatzen duten elementuak segurtasunez abiarazten eta itzaltzeko gai izatea.
Edukiak
Ikastaro honetan ondorengo edukiak landuko dira:
-
Robotikaren bilakaera eta ROS sarrera.
-
Robot Operating System middlewarearen arkitektura.
-
ROS sistemen analisia eta irudikapena.
-
RqtGraph: ROS sistemak irudikatzeko erreminta.
-
ROS sistemen abiaraztea eta itzaltzea.
Metodologia
Ikastaro hau, bere osotasunean online edota era ez presentzialean egiteko diseinatuta dago:
– Oinarrizko kontzeptuen azalpenak bideo eta errefortsu galderen bitartez.
– Ariketak, urrutiko mahaigain birtual baten bitartez.
– Praktika, robot fisiko erreal batekin.
Ebaluazioa
Proposatutako ariketa eta praktika guztiak egoki egitea.
Baldintzak
Euskadiko Lanbide Heziketako irakasle izatea da eskakizun bakarra.
Aurrezagutzei dagokienez, ez da beharrezkoa programazio edota informatikarekin lotutako ezagutza aurreraturik izatea.
Hautaketa irizpideak
Plaza kopurua baino izen-emate gehiago egon ezkero, ondorengo irizpideen arabera egingo da hautaketa:
- Irakasle bat ikastetxe bakoitzeko. Plazak sobratu ezkero,
ikastetxe guztiek plaza kopuru orekatu bat izatea bilatuko da. -
Izen-emate ordena.
Izen-emate datak eta informazioa
Izena emateko azken eguna: 2026eko otsailaren 24a.
Onartuen/ez onartuen ebazpena posta elektronikoz jakinaraziko da 2026eko otsailaren 25ean.
Prestakuntza-ekintza hau Europako Gizarte Funtsak kofinantzatu dezake, Lanbide Heziketako eta Prestakuntzako irakasleak prestatzera bideratutako ekintzen esparruan.
