Oinarrizko metodo elektrokimikoei eta UM-Ikusgai espektrofotometriakoei buruzko ikastaro teoriko-praktikoa, zuzenean ikasgelara transferitu ahal izateko.
Iraupena:
10 ordu
Lekua:
Tknika laborategiak
Edukiera:
8 pertsonak
Hizkuntza
Gaztelania
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 4.00 | 16-01-2024 | 16:00 – 20:00 | Presentziala |
| 2 | 4.00 | 23-01-2024 | 16:00 – 20:00 | Presentziala |
| Ordu ez Presentzialak: 2.00 |
Konpetentziak
Gaitasun orokorra:
- Lanbide Heziketako irakasleak laborategietan erabiltzen diren oinarrizko tekniketan gaitzea, elektrokimikako teknikak (pHmetroa, tanpoi-disoluzioak…) eta UM-Ikusgai espektrofotometriakoak (patroi zuzena eta kuantifikazioa) barne.
Gaitasun espezifikoak:
- Disoluzioak, diluzioak eta kalibrazio-patroiak prestatzeko beharrezko unitateak, formulak eta kalkuluak ezagutzea.
- Disoluzioak, diluzioak eta kalibrazio-patroiak prestatzeko beharrezko material bolumetrikoak eta erreaktiboak hautatzea.
- UM-Ikusgai espektrofotometriaren teknika eta haren datuen interpretazioa ezagutzea.
- pHmetroaren erabilera (elektrokimika) eta haren datuen interpretazioa ezagutzea.
- Kalkulu-orrien erabilera datuak tratatzeko eta grafikoak irudikatu eta interpretatu ahal izateko.
Edukiak
- Disoluzioen adierazpena kontzentrazio unitate desberdinetan (molaritatea,% p/v, % v/v, ppm).
- Balantzen eta material bolumetrikoaren manipulazioa (beirazko pipeta, matraz bolumetrikoa, bureta, etab.).
- Disoluzioak kontzentrazio desberdinetan prestatzea. Diluzio seriatuak prestatzea. Disoluzio indargetzaileak prestatzea.
- UM-Ikusgai espektrofotometroaren erabilera patroiak eta laginak neurtzeko.
- Kalibratzeko zuzenak prestatzea.
- Tonika laginetan kinina determinatu ahal izateko patroien prestaketa.
- Esne laginetan fosforoa determinatu ahal izateko patroien prestaketa.
- Kalkulu-orrien bitartez emaitzen adierazpena
- pHmetroaren kalibrazioa eta erabilera.
- Hainbat disoluzioren pH-a neurtzea eta kalkulatutako pH-rekin alderatzea.
- Emaitzak kalkulu-orri batean sailkatzea, pH-a kontzentrazioarekin alderatzeko grafikoko tresna erabilita.
- Disoluzio tanpoi baten efektua egiaztatzea, kalkulu-orria erabilita.
Metodologia
Ikastaroak hiru saio ditu:
- Lehenengo saioan (ez presentziala) eduki teorikoenak helaraziko dira web-lotura baten bidez, eta saio praktikoen aurretik egin beharreko jarduerak proposatuko dira.
- 4 orduko bi saio praktiko izango dira Tknikako Biotk laborategian. Bi saio horietan edukiak garatuko dira eta ikasgelan zuzenean aplikatzeko beharrezkoak diren baliabideak eskainiko dira.
ORDENAGAILUA EKARTZEA beharrezkoa da.
Ebaluazioa
Ebaluaketarako honako irizpideak jarraituko dira:
- Formakuntzaren orduen %90arekin bete behar da.
- Lehenengo saioan (ez presentziala) proposatutako jarduerak egitea.
Baldintzak
EAEko Lanbide Heziketako ikastetxeren batean irakasle izatea, laborategiko oinarrizko praktikak ezagutzea interesgarria den edozein espezialitatetan.
Hautaketa irizpideak
Izen-emate kopuruak eskainitako plaza kopurua gainditzen badu, ondoko irizpideak jarraituz aukeraketa egingo da:
- Izen-emate ordena kontuan izango da.
- Ikastetxe bakoitzeko pertsona baten partehartzea lehenetsiko da.
Izen-emate datak eta informazioa
Izen emate epea: 2024ko urtarrilaren 11a.
Ebazpena: 2024ko urtarrilaren 12an, izena eman duen pertsonari emailez jakinaraziko zaio formakuntzan onartua edo baztertua izan den.
-
- Onartua izan den pertsona zuzenean matrikulatuta egongo da.
- Ikastaroan parte hartu ezin izanez gero denborarekin abisatu beharko da.
Eman izena ikastaro honetan
Prestakuntza-ekintza hau Europako Gizarte Funtsak kofinantzatu dezake, Lanbide Heziketako eta Prestakuntzako irakasleak prestatzera bideratutako ekintzen esparruan.
