5G sare pribatuak nola hedatzen diren helburu izan duten ikastaro batzuen ondoren, kasu honetan erabilera-kasu desberdinetara bideratutako prestakuntza bat eskaintzen da, hau da, zertarako erabil daitezkeen hedatutako 5G sare pribatu horiek. Beraz, ikastaroan zehar, 3 erabilera-kasu desberdin erakutsiko dira: telefono-deiak egitea (VoLTE/VoNR), ikus-entzunezko produkzioetan bideo-audio emisioak (broadcast) eta, azkenik, bideozaintza-sistemak. Berriz ere, egingo diren ariketak zuzenean ikasgelan erabiltzeko deseinatuak izan direla azpimarratzea garrantzitsua da.
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 5.00 | 23-06-2025 | 09:00 – 14:00 | Presentziala |
| 2 | 5.00 | 25-06-2025 | 09:00 – 14:00 | Presentziala |
| 3 | 5.00 | 26-06-2025 | 09:00 – 14:00 | Presentziala |
| 4 | 5.00 | 27-06-2025 | 09:00 – 14:00 | Presentziala |
| Ordu ez Presentzialak: 0.00 |
Konpetentziak
Ikastaro honen bidez, honako gaitasunak lortuko dira:
- 4G/5G zelula-sare baten arkitektura ezagutzea
- 4G/5G zelula-sare pribatu bat hardware eskuragarria erabiliz hedatzea
- Sare pribatu baten gainean telefono-deien sistema bat abian jartzea
- 5G sare pribatu bat ikus-entzunezko zuzeneko produkziorako erabiltzea
- Bideozaintzarako telefonia-sare bat prestatzea
Edukiak
Hona hemen ikastaroaren edukiak:
- 4G/5G ingurune bat martxan jartzea
- 5G pribatuera sarrera: kontzeptuak eta oinarrizko arkitektura
- Estazio pribatu baten hasierako konfigurazioa
- Gailuen erregistroa eta konektibitate-probak
- Zerbitzuaren estaldura eta kalitatea egiaztatzea
- VoLTE eta VoNR erabilera-kasua
- VoLTE/VoNR-era sarrera
- Funtsezko osagaiak: P-CSCF, I-CSCF eta S-CSCF
- SIP trafikoa atzitzea Wireshark erabilita
- Arrastoak interpretatzea: deia erregistratzea, ezartzea eta amaitzea
- 5G sare pribatu bat zuzeneko ikus-entzunezko produkzioetarako erabiltzea
- 5G aplikazioak multimedia/hezkuntza inguruneetan
- Broadcast ingurune lokal bat muntatzea (VPN bidezko urrutiko kontrola)
- 5G sare pribatuaren gaineko zuzeneko transmisioa
- Bideoaren egonkortasuna eta kalitatea denbora errealean ebaluatzea
- 5G sare pribatu bat segurtasunerako/bideozaintzarako erabiltzea
- 5G bidez konektatutako bideozaintza-sistemen arkitektura
- Sistema instalatzea eta konfiguratzea
- Urruneko sarbide segurua eta kudeaketa gailu mugikorretatik
- Hezkuntza-aplikazioak: ikastetxeetako segurtasuna, ikasgela adimendunak
Metodologia
Ikastaroa 4 saio presentzialetan banatuta dago eta, lehen egunean egingo den mugikor-sareei buruzko sarrera labur bat egin ondoren, gainerako egunetan hiru erabilera-kasuak landuko dira. Horrela, ikasleak taldeetan banatuko dira eta eskura edukiko duten ekipamenduarekin lan egin beharko dute irakasleek planteatutako erronken bitartez eta prestatutako dokumentazioa jarraituz. Erronkak gauzatzen diren bitartean geldialdi txikiak egingo dira zalantzak modu koordinatuan argitzeko eta funtsezko kontzeptuak azpimarratzeko.
Prestakuntzan egingo diren ariketa guztiak gelan zuzenean aplikatu ahal izateko diseinatu direla azpimarratzea garrantzitsua da, teoria ahalik eta gehien sinplifikatzen saiatuz, ikasleak benetan garrantzitsua denean zentra daitezen.
Azkenik, Tknikako 5G lantaldeak bere laborategiko ekipamendu guztia eramango du (antenak, routerrak, smartphone-ak, SDS txartelak, irrati-sistemak…) ikastaroan parte hartzen dutenek ikusi, probatu, galdetu, prezioak kontsultatu… ahal dezaten.
Ebaluazioa
Prestakuntzaren %90era egitea nahitaezkoa da ziurtagiria lortzeko. Ikastaroa presentziala eta praktikoa denez, puntualtasuna oinarrizkoa izango da eta ikasleen parte hartzea, taldekideekin lankidetzan aritzea eta ariketak egiten inplikatzea ezinbesteko izango da ere.
Baldintzak
- EAEko Lanbide Heziketako ikastetxeren batean “Informatika eta komunikazio” edo “Elektrizitate eta elektronika” familiako irakaslea izatea
- Ikastaroko saioetara ordenagailu batekin joatea (Linux, Windows, macOS)
Hautaketa irizpideak
Izen-emate kopurua eskainitako plaza kopurua baino handiagoa bada, honako irizpide hauen arabera egingo da hautaketa:
- “Elektrizitate eta elektronika” eta “Informatika eta komunikazio” familiako irakasleek lehentasuna izango dute
- Ikastetxe bakoitzeko pertsona baten parte hartzea lehenetsiko da, ahalik eta ikastetxe gehienek parte har dezaten
- Izena emateko ordena
Izen-emate datak eta informazioa
Izena emateko azken eguna: 2025ko ekainak 18
Onartuen/ez onartuen ebazpena posta elektronikoz jakinaraziko da 2025ko ekainaren 19an
Prestakuntza-ekintza hau Europako Gizarte Funtsak kofinantzatu dezake, Lanbide Heziketako eta Prestakuntzako irakasleak prestatzera bideratutako ekintzen esparruan.
