AWS eta sailburuordetzaren arteko laguntza-gutunaren helburuak azaltzeko, AWS Academy plataformaren abantailak ikusteko eta irakasle talde baten esperientzia entzuteko aukera eman zigun lehenengo webinarraren ondoren, oraingo honetan beste webinar bat aurkezten dizuegu. Honetan, AWS Academy plataforma barrutik erakutsiko da (bere menuak, edukiak, learner lab-ak…) eta, gainera, Rubén Gómez irakasleak (Elorrieta-Errekamari ikastetxekoa) bere ikasleekin plataforma nola erabiltzen duen adibide batzuk zuzenean erakutsiko dizkigu. Lehen jardunaldia ez bezala, ikastetxeetako zuzendaritzara batez ere bideratuta zegoena, oraingo hau plataforma erabiltzen hasteko asmoa duten baina oraindik pausoa ematera animatu ez diren informatikako irakasle guztiei bideratua dago.
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 1.50 | 19-06-2024 | 12:00 – 13:30 | Online |
| Ordu ez Presentzialak: 0.00 |
Konpetentziak
Prestakuntza honen bidez, honako gaitasunak lortuko dira:
- AWS Academy plataforma erabiltzen ikastea bere menuak, edukiak, learner lab-ak eta abar ezagutuz.
- Ikasgelako benetako erabilera-kasuen adibideak lehen eskutik ezagutzea
Edukiak
Hona hemen ikastaroaren edukiak:
- AWS Academy-n alta emateko prozesuaren berrikuspena
- AWS Academy plataformara sarrera zehatza (menuak, edukiak, learning labs…)
- Ikasgelan AWS Academy erabiltzeko adibideak (Rubén Gómez – Elorrieta Errekamari)
- Zalantzak eta galderak
Metodologia
Prestakuntza labur hau online eta, batez ere, informatiboa izango da. AWS-ren eskutik plataformaren azalpen zehatz bat egingo da eta, zuzenean, ikasgelan plataforma nola erabiltzen den erakutsiko digun irakasle baten esperientzia izango dugu berriro ere. Azkenik, zalantzak eta galderak argitzeko denbora ere izango dugu.
Ebaluazioa
Webinarra informatiboa denez, ez da ebaluatuko eta ez da ziurtagiririk emango.
Baldintzak
- EAEko Lanbide Heziketako ikastetxeren batean irakaslea izatea.
Hautaketa irizpideak
Izen-emate kopurua eskainitako plaza kopurua baino handiagoa bada, honako irizpide hauen arabera egingo da hautaketa:
- Informatika eta komunikazioak familiako irakasleek lehentasuna izango dute
- Ikastetxe bakoitzeko gehienez lagun batek parte hartzea lehenetsiko da
- Izena emateko ordena
Izen-emate datak eta informazioa
Izena emateko azken eguna: 2024ko ekainaren 18a
Prestakuntza-ekintza hau Europako Gizarte Funtsak kofinantzatu dezake, Lanbide Heziketako eta Prestakuntzako irakasleak prestatzera bideratutako ekintzen esparruan.
