IES BARRUTIALDE BHI
Barrutialde BHI, Urdaibai Biosferaren Erreserba ikusgarrian kokatutako ikastetxea dugu. Natura ingurune baten, Gernika-Lumo kilometro batera dugu eta Laga eta Laida hondartzetara joateko bide gara. Institutu txikia eta ikasle bakoitzaren ezaugarri eta beharretara egokitzen den heziketa bermatzen duen ikastetxea, kasu bakoitzeko aniztasun ezberdinak zainduz. Europara eta mundura irekita gaude, eleaniztasuna bultzatuz. Horrez gain, irakaskuntza eta ikaskuntza-prozesuak egokitzea da gure asmoa, informazio eta komunikazio teknologiak egunerokoan txertatuz.
Esaldi batean, Etorkizunerantz begira dagoen Urdaibai Eskualdeko ikastetxea gara: modernoa, eleanitza, jasangarria eta digitalizazioan aitzindari.
Derrigorrezko Bigarren Hezkuntza, Batxilergoa. Oinarrizko Lanbide Heziketa, Erdi mailako Lanbide Heziketa, Goi mailako Lanbide Heziketa eta ZIG (Zereginen irakaskuntza gela) ematen dira.
Heziketa zikloei dagokienez, Fabrikazio mekanikoa eta Zurgintza, altzarigintza eta kortxoa lanbide arloak eskaintzen dira. Arlo honetan lortzen diren titulazioak honako hauek dira: Elementu metalikoen oinarrizko profesionala, Instalazio eta altzari-hornikuntzako teknikaria, Arotzeriako eta altzarigintzako teknikaria, Mekanizazioko teknikaria, Fabrikazio mekanikoko produkzioa programatzeko goi-mailako teknikaria eta Fabrikazio mekanikoko diseinuko goi-mailako teknikaria.
Lanbidek eskainitako prestakuntzan zentru laguntzaile gara eta landun eta langabetuentzako ikastaroak ematen dira. «Enplegurako prestakuntza ikastaroak».
Ilusioz beteriko profesionalez osatutako lan taldea gara. Elkarlanean, egungo gizartearen eskakizunei erantzun eta gure ikasleek pertsona bezala nahiz lan munduan izango duten arrakasta bermatu nahi dogu.
