BLOCKCHAIN LAB

Teknologia gutxik sortzen dute blockchain adinako ikusmin eta nahasmena. Bere potentziala Internetekin berarekin, Google agertu aurretik, parekatu da.

Esparru askotan du aplikazioa, eta beste hainbati euskarria ematen dio; izan ere, mota guztietako transakzioak egiteko aukera ematen du, bitartekari tradizionalak kontuan hartu gabe. Meatzaritza, smart-contracts, kriptomoneda, tokens, NFT eta antzeko terminoak gero eta ohikoagoak dira eta aukera eta ziurgabetasun mundu berri gisa aurkezten dira.

LHko Sailburuordetzaren berrikuntza-proiektu gisa bi urtez hautatua, eta Galdakaoko Andra Mari eta Santurtziko Calasanz zentroek bultzatua, hauek izan dira hasierako etapa horretan lortutako mugarri nagusiak:

• Blockchain euskarria duen teknologia ezagutzea, parte hartzen duten ikastetxeetan nodoak instalatzea eta horiek erreferentziazko sareetan integratzea.
• Smart Contracts-eko erabilera-pilotua.
• Blockchain erabiltzeko pilotua, prestakuntza arautuak eta arautu gabeak ziurtatzeko.
• Bozketa-prozesuetan blockchain erabiltzeko pilotua.
• Osasun arloan blockchain erabiltzeko pilotua: COVID19 txertaketa, protesien trazabilitatea, etab.,

21-22 ikasturtean, “Blockchain Lab” Tknikako espezializazio-arlo gisa sartu zen. Proiektuaren helburu berrien artean honako hauek azpimarra daitezke:

• Euskadiko LHko ikastetxeen sarean teknologia erabiltzeko behar den ezagutza zabaltzea.
• Aurreko urteetan egindako pilotuak zabaltzea.
• Erabiltzeko aukera berriak eta blockchainean oinarritutako aplikazioak identifikatzea.