Landa-eraikin tradizionalak birgaitzeko aplikatu beharreko zurezko lan-tekniketan langabeak prestatzeko eta gizarteratzeko mugaz gaindiko eskaintza garatzea.

Proiektu honen jabea:Nazioartekotze arloa

Baserriberri proiektuaren %65 Europar Batasunak finantzatu du, Interreg VI-A Espainia-Frantzia-Andorra (POCTEFA 2021-2027) programaren bidez. POCTEFAren helburua Espainia-Frantzia-Andorrako muga eremuaren integrazio ekonomiko eta soziala indartzea da.

Helburu espezifikoa
Lan-merkatuen eraginkortasuna eta izaera inklusiboa hobetzea eta kalitatezko enplegua lortzea, gizarteazpiegiturak garatuz eta gizarte-ekonomia sustatuz.

Lehentasuna eta helburu politikoa
OP2. Europa sozialagoa eta inklusiboagoa.

P3 Mugaz gaindiko eremuan enplegua eta kalitatezko prestakuntza lortzea erraztea.

Datak

  • Hasiera-data: 24/01/01
  • Bukaera-data: 26/06/30
  • Proiektuaren iraupena: 30 hilabete

Proiektuaren laburpena

BASERRIBERRI proiektuak POCTEFA lurraldearen bi erronkari laguntzen die:

  1. Mugaz gaindiko lan-merkatuen integrazioa indartzea eta enpleguaren eta prestakuntzaren kalitatea hobetzea mugaz gaindiko lurraldean, langabeentzako prestakuntza- eta gizarteratze-eskaintza berri bat garatuz.
  2. Mugaz gaindiko lurraldea egituratzea gizartean eta kulturan, mendebaldeko mugaz gaindiko zonako ondare-elementu bereizgarri bat berreskuratuz: «Baserria». Proiektuaren helburua da landa-eraikin tradizionalak birgaitzeko zurezko lan-tekniketan trebatzeko mugaz gaindiko eskaintza berri bat garatzea, langabetuen gizarteratzea sustatzeko eta zurezko eraikuntzaren sektorean belaunaldien arteko erreleboa errazteko.

EMAITZA NAGUSIAK HAUEK IZANGO DIRA:
Mugaz gaindiko prestakuntza- eta gizarteratze-prozesuetarako laguntza-metodologia bat.

Prestakuntza teoriko-praktikoko ikastaro bat, zurezko lan-teknikei buruzkoa, landa-eraikin tradizionalak birgaitzeko.

2026-2030 mugaz gaindiko prestakuntza-poloa garatzeko ibilbide-orria.

Berrikuntza nagusia erabat mugaz gaindikoa den prestakuntza- eta gizarteratze-prozesu bat da, bi estatuetan baliozko titulazio bat lortzeko aukerarekin eta 3 lurraldeetako enpresetan sartzea erraztera bideratua. Bazkideek epe luzerako lankidetzaren hasiera gisa planteatzen dute proiektua, eta esperientzia horren emaitzatik abiatuta, «mugaz gaindiko prestakuntza-polo» bat sortu nahi da, mugaz gaindiko lanmerkatuaren aukeretan oinarrituta prestakuntza berriak garatzeko eta eskaintzeko.

HAUEK IZANGO DIRA PROIEKTUAREN ONURADUNAK:
Prestakuntza- eta integrazio-esperientzia pilotuan parte hartu duten hiru eskualdeetako enplegueskatzaileak (12).

Hiru eremuetako zurgintzan espezializatutako lanbide-heziketako ikastetxeetako ikasleak eta irakasleak (80).

Laneratze-prozesuetan parte hartzen duten beste enplegu-eskatzaile batzuk, zurezko eraikuntzaren sektorean enplegua aurkitu ahal izango dutenak (90).

Beren laguntza partekatuko duten gizarteratze-erakundeetako teknikariak (40).

3 eskualdeetako zurezko eraikuntzaren sektoreko enpresak, belaunaldi-defizitari irtenbidea eman diezaioketenak (30).

 

ERAKUNDE BAZKIDEAK
Fundación Peio Martikorena Fundazioa  Nafarroa. ES
Eusko Jaurlaritza / Gobierno Vasco (Viceconsejería de Formación Profesional)  Euskadi. ES
Gobierno de Navarra – (Departamento de Educación)  Nafarroa. ES
Federation Compagnonnique Regionale  Pyrénées Atlantiques. FR
Oarsoaldea, S.A. Euskadi. ES
Mission Locale Pays Basque Pyrénées Atlantiques. FR

ERAKUNDE ELKARTUAK
B1 Servicio Navarro de Empleo – Nafar Lansare Nafarroa. ES
B2 CIFP Bidasoa LHII Euskadi. ES
B2 CIFP Easo Ploteknikoa LHII Euskadi. ES
B3 CIFP San Juan – Donibane Nafarroa. ES

 

 

 

POCTEFAREN WEBGUNERAKO ESTEKA >
EUROPAR BATASUNEKO ESKUALDE POLITIKAREN WEBGUNERAKO ESTEKA >

Informazio gehiago proiektuari buruz: BASERRIBERRI

Proiektu honi lotutako albisteak: