EKI II, robot sozialak zentro gerontologiko eta eguneko zentroetan.

Proiektuaren helburu nagusia da robotika sozialak zentro gerontologikoetan eta eguneko zentroetan izan dezakeen erabilera ikertzea eta aplikatzea zahartze aktibo, osasuntsu eta hauskortasunaren prebentzioa sustatzeko. Orokorrean, teknologiak, eta bereziki robotikak, arreta eta zaintza esparruan sortzen duen gaitzespenari ikuspegi positiboa emateko saiakera egingo da arlo horietako ikasle, irakasle eta langileekin lan eginez: robotika sozialak eskaini diezaiekeen laguntza osagarria sustatuko da hainbat esperientzia praktiko eta berariazko formakuntza antolatuz, eta detektaturiko behar errealei erantzuten dieten aplikazioak garatuz.