Ikastaro honetan Python lengoaia erabiliko duzu hacking etikoaren inguruko hainbat teknika praktikan jartzeko sare-ingurune birtual baten barruan.
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 5.00 | 05-06-2023 | 09:30 – 14:30 | Online |
| 2 | 5.00 | 12-06-2023 | 09:30 – 14:30 | Online |
| 3 | 5.00 | 19-06-2023 | 09:30 – 14:30 | Online |
| 4 | 5.00 | 26-06-2023 | 09:30 – 14:30 | Online |
| Ordu ez Presentzialak: 25.00 |
Konpetentziak
Python-ek hackingerako dituen zenbait liburutegi maneiatzen ikasiko duzu.
Hacking etikoari buruzko praktika errealak egiten ikasiko duzu.
Kali/Linux sistemaren erabilera hobetuko duzu.
Edukiak
Zer da eta zer ez da ikastaroa?
Ikastaroaren helburua Pythonek hacking etikorako duen indarra ezagutzea da, horren inguruko hainbat liburutegi erabiliz. Ikastaro honen helburu nagusia EZ da Pythonen programatzen ikastea, baizik eta lengoaiak eskainitako zenbait baliabide erabiltzen jakitea, mundu profesionaleko egoeretan erabili litezkeen bezala.
Edukiak
- SARRERA EKITALDIA
- 1. FASEA: Zenbaketa-fasea (FootPrinting)
-
- Whois datu-basea.
- Sare sozialak.
- DNS.
- Geolokalizazioa
- Shodan bilatzailea.
- 2. FASEA: Ezagutza-fasea (Fingerprinting)
-
- SCAPY. Behe mailako eskaneoak.
- NMAP
- Portu ireki edo itxiak bilatu.
- Gailu baten sistemaren informazioa lortu: sistema eragilea, esate baterako.
- 3. FASEA: Ustiapen-fasea (Explotaition)
-
- Biktimaren kontrola hartu.
- Metasploit.
- Zerbitzu eta sistema erabilienen kontrako erasoak.
- Alderantzizko ingeniaritza
- 4. FASEA: Ustiapenaren osteko fasea (Post-Explotaition)
-
- Shell egonkorra lortu.
- Aztarna guztiak garbitu.
Edukiak gaztelaniaz, azalpenak euskeraz.
Metodologia
Aurkezpen ekitaldi presentziala (2 aukera):
-
Maiatzak 31 – Tknikan
-
Ekainak 2 – Iurretan
Formakuntza online izango da, ekaina guztian zehar.
-
Astelehenetan goizez 5 ordu: Ariketen zuzenketa + Azalpel teorikoak.
-
Astean zehar: bakarkako lana
-
Ostegunetan: Irakaslea eskuragarri zalantzak argitu edo arazoak konpontzeko.
Ekaineko aste bakoitzean edukietan aipatutako 4 faseetako bat landuko da orain aipatu den metodologia jarraituz.
Fase bakoitzean hainbat erronka ebatzi beharko ditu ikasleak. Erronkek egoera bat planteatu eta galdera bat luzatzen dute. Erronka bakoitza ondo ebazteko, jasotako scriptaren (irakasleak emandakoaren) kodea ondo moldatu beharko dute. Horretarako ikasle bakoitzak Kali makina baten kontrola izango du. Bertan, Python skriptak erabili beharko ditu barne-sarean edo kanpoaldean gailuak bilatzeko, erasoak gauzatzeko, aztarnak garbitzeko…
Tknikako Moodle plataforma erabiliko da formakuntzaren kudeaketarako, baita emaitzak entregatzeko ere.
Ebaluazioa
Fase bakoitzean erronka ezberdinak proposatuko dira eta erronka bakoitzerako eskatutako emaitza edo script-a entregatu beharko da.
Prestakuntzaren %90era joatea/parte hartzea/egitea nahitaezkoa da.
Baldintzak
Jakintza minimoak:
-
Zer da hacking etikoa.
-
GNU/Linux sistema eragilea administratzeko oinarriak.
-
Gailuen sare-konfigurazio logikoa.
-
Oinarrizko programazioa eta Python lengoaiaren sintaxia.
Hautaketa irizpideak
Plaza kopurua mugatua da. Inskripzio kopurua eskainitako plaza kopurua baino handiagoa bada, hautaketa irizpide hauei jarraituz egingo da:
– Lehentasuna izango dute honako ziklo/espezializazio hauetako irakasleek:
-
IT zibersegurtasuneko espezializazioa.
-
OT zibersegurtasuneko espezializazioa.
-
Enpresa txiki eta ertaineko zibersegurtasun programa.
-
Plataforma anitzeko aplikazioak garatzeko zikloko “Segurtasun eta Eskuragarritasun Handia” modulua.
-
IT arloko edozein ziklotako irakasleak.
– Zentro bakoitzean pertsona batek parte hartzea lehenetsiko da.
– Izena emateko ordena.
Izen-emate datak eta informazioa
Plaza kopuru mugatua.
Eman izena Maiatzaren 19a baino lehen.
Posta elektronikoz jakinaraziko da prestakuntzan onartua zaren ala ez.
Prestakuntza-ekintza hau Europako Gizarte Funtsak kofinantzatu dezake, Lanbide Heziketako eta Prestakuntzako irakasleak prestatzera bideratutako ekintzen esparruan.
