Urte askotan, kontrolagailu logiko programagarriak (PLC) ez dira seguruak izan diseinuz. Hainbat urtetan IT praktika onen pertsonalizazioak eta aplikazioak protokolo seguruak, komunikazio zifratuak, sarearen segmentazioa, etab landu dituzte. Hala ere, orain arte, arreta gutxi jarri zaio PLCen (edo SCADA/DCS) ezaugarriak segurtasunerako erabiltzeari edo PLCak segurtasuna kontuan hartuta nola programatu. Ikastaro honen helburua programatzaileei jarraibideak ematea eta industria-kontroleko sistemen segurtasuna hobetzen laguntzea da.Horretarako, "TOP20 PLC kodetze praktika seguruak" zerrenda erabiliko da erreferentzia gisa. ISA Global Cybersecurity Alliance-k garatua Praktika hauek PLCan natiboki eskuragarri dagoen funtzionaltasunaz baliatzen dira. Praktika hauek ezartzeko hardware edo software-tresna gehigarri gutxi behar dira. Guztiak PLC programazio arruntean eta lan-fluxu operatiboan sartu daitezke. Segurtasun-esperientzia baino gehiago, babestu beharreko PLCak, haien logika eta azpiko prozesua ondo ezagutzea beharrezkoa da praktika horiek ezartzeko.
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 4.00 | 04-04-2022 | 15:00 – 19:00 | Presentziala |
| 2 | 4.00 | 05-04-2022 | 15:00 – 19:00 | Presentziala |
| Ordu ez Presentzialak: 2.00 |
Konpetentziak
PLC programazioaren ezagutza. Tia Portal eta Siemens PLC-en erabilera. Tia Portal duen portatila ekarri.
Edukiak
-
Industria-instalazio batean segurtasun kontzeptuari buruzko sarrera globala.
-
Segurtasunez programatu beharraren kontzeptua eta justifikazioa eta horrek dakarrena.
-
“TOP20 PLC kodetze praktika seguruak” estandarren aurkezpena.
-
Siemens ingurunean aplikatutako estandarrak garatzea Tia Portal-ekin.
-
Eztabaidatutako estandarrei dagokienez ekarpenak .
-
PLC ingurunean aplikagarriak diren beste segurtasun kontzeptu batzuk. (Siemens jatorrizko segurtasuna)
-
Ethazi Gida Proposamena automatizazio proiektuetan programazio segururako jarraibideak txertatzeko.
Metodologia
Ikastaroak arauak aurkezteko hizlariaren hasierako aurkezpena eta ondorengo talde-lan batekin uztartuko ditu proposatutako jarduerei ekarpenak egiteko.
Ebaluazioa
Ez da ebaluaziorik egingo.
Baldintzak
EAEko lanbide Heziketako ikastetxeko irakaslea izatea.
PLC programazioaren ezagutza. Tia Portal eta Siemens PLC-en erabilera. Tia Portal V16 duen portatila ekarri.
Hautaketa irizpideak
Izen-emate kopuruak eskainitako plaza kopurua gainditzen badu, ondoko irizpideak jarraituz aukeraketa egingo da:
-
Ikastetxe bakoitzeko pertsona baten partehartzea lehenetsiko da.
-
Izen-emate ordena kontuan izango da.
Izen-emate datak eta informazioa
• Izen-emate epea : 2022ko martxoaren 25a.
• Ebazpena : 2022ko martxoaren 28an, izena eman duen pertsonari, emailez jakinaraziko zaio formakuntzan onartua edo baztertua izan den.
• Onartuta izan den pertsonak matrikula online osatu beharko du. (Mezu elektroniko baten bitartez bidaliko den estekan sartuz eta eskatutako datu guztiak beteaz)
Matrikulazio epea : 2022ko martxoaren 25a.
