Ikastaro honetan blockchain teknologiaren oinarriak eta aplikazioak ikasiko ditugu eta lehenengo pausuak emango ditugu blockchain-en oinarritutako lehen web aplikazio bat garatzeko. Teknologia honek potentziala du informazioarekin elkarreragiteko eta lineako transakzioak egiteko modua eraldatzeko. Hainbat industriatan ere hedatzen ari da: finantzetan, hornidura-katean eta arreta medikoan. Aurrera egin ahala, funtsezko kontzeptuak aztertuko ditugu, eta teknologia horrekin lan egiten hasteko beharrezkoak diren trebetasun praktikoak landuko ditugu. Azken helburua da teknologia honen kontzeptu klabe ulertzea eta gure lehenengo blockchainen oinarritutako aplikazioa garatzeko ingurune bat antolatzea.
| FASEA/K | ORDUA/K | DATA | Ordutegia | MOTA |
|---|---|---|---|---|
| 1 | 0.50 | 10-06-2024 | 11:00 – 11:30 | Online (Aurkezpena) |
| 2 | 1.00 | 18-06-2024 | 10:30 – 11:30 | Online (Dudak) |
| 3 | 1.00 | 20-06-2024 | 10:30 – 11:30 | Online (Dudak) |
| 4 | 1.00 | 25-06-2024 | 10:30 – 11:30 | Online (Dudak) |
| 5 | 1.00 | 27-06-2024 | 10:30 – 11:30 | Online (Dudak) |
| Ordu ez Presentzialak: 20 |
Konpetentziak
Ikasleek Smart Contract bat sortzeko oinarrizko kontzeptuak ikasiko dituzte Solidity bidez.
Ikasleek ERC-20 (kriptomonetak) eta ERC-721 (NFT) kontratuen kodea aztertuko dute.
Ikasleek Smart Contracts desplegatuko dute garapenerako blockchain batean, eta haren funtzionamendua aztertuko dute.
Ikasleek Python-en (Flask) oinarritutako web zerbitzu bat instalatu eta konfiguratuko dute.
Ikasleek garapen-blockchainarekin elkarreraginean jardungo duen web aplikazio bat garatu eta hedatuko dute.
Edukiak
1. Blokea. Blockchainerako sarrera. Kontzeptu orokorrak
2. Blokea. Solidity-rako sarrera. Smart Contracts garatzeko erabiltzen den Solidity programazio-lengoaiaren kontzeptu orokorrak.
3. Blokea. Garapen-ingurunea. Smart Contracts, Remix IDErako garapen-ingurunearen ezaugarriak ezagutuko ditugu.
4. Blokea. Garapen-ingurunea. Garapen ingurune birtualizatu bat konfiguratuko dugu, blockchain bat eta web zerbitzari bat hedatzeko beharrezko osagaiekin, Blockchain batekin elkarreraginean arituko den gure lehen web aplikazioa garatzeko.
5. Blokea. Aplikazioa garatzea. Gure proba-blockchainaren aurka lan egingo duen web aplikazio bat garatu eta zabalduko dugu.
6. Blokea. Ikastaroa ixtea.
Metodologia
Ikastaroaren blokeak online garatuko dira 3 astez. Ikasleek tutoretza/zalantzak saioak izango dituzte egutegian ezarritako ordutegian.
Gomendagarria bada ere, online saioetan egotea ez da derrigorrezkoa izango, eta material guztia prestakuntzaren Moodle plataforman egongo da eskuragarri.
Era berean, multzo bakoitzaren ondoren, eta hurrengoaren aurretik, aldez aurretik eskuratutako ezagutzak finkatzeko, ariketa/erronka/galdetegi batzuk banaka osatu beharko dira.
Ebaluazioa
Bloke bakoitzaren ondoren, ikasleek ariketa/erronkaren bat ebatzi beharko dute, online saioan landu den gaiarekin lotuta egongo dena. Saioen artean planteatutako ariketak/erronkak ebaztea nahitaezkoa izango da ikastaroa behar bezala osatzeko, foroetan parte hartzea bezalaxe.
Prestakuntzan proposatutako zereginen % 90 gainditzea nahitaezkoa da ziurtagiria lortzeko.
Baldintzak
Interneterako konexio egonkorra
Ingurune birtualizatua
Python eta web garapeneko (HTML, CSS, JS) ezagutzak.
Oinarrizko ezagutzak Linux Sistema Eragileetan
Hautaketa irizpideak
Ikastaroa Euskadiko LHko ikastetxeen sareko “Informatika eta Komunikazioak” espezialitatetako irakasleei zuzenduta dago batez ere.
Programazioarekin trebatuta dauden beste espezialitateetako irakasleek ere parte hartu dezakete.
Izen-emate datak eta informazioa
Izena ematea: ekainaren 7a baino lehen.
Onartuen/ez onartuen azken ebazpena posta elektronikoz egingo da, ekainaren 7an.
