Ingurune estrategikoetan aplikatutako berrikuntza

Gure ekoizpen sarea etengabe eraldatu da teknologia berriek bultzatuta eta, ondorioz, ekimenak eta proiektu estrategikoak garatzea ezinbestekoa dugu lanbide heziketan. LHko lehentasunak eguneratu eta Euskadiko berrikuntzaestrategiarekin lerrokatzea funtsezkoa da aberastasuna eta ongizatea sortzeko, ingurune estrategiko espezializatuen sorrera bultzatuz.

Tknikako Lanbide Heziketaren eremuan, ingurune estrategikoetan aplikatutako Berrikuntza Arloaren helburua da enpresa-sarean berrikuntza bultzatzea, aldaketa eta transformazioa sendotzeko gaitasun eta jarrerak garatuz, berrikuntzaren eta ekintzaile-ekimenaren bitartez eta enpresak ikasketa-prozesuaren parte izanez.

Ingurune oso aurreratuei erantzutera zuzendutako ekintzak sustatzeko programak ezarri ditugu. TKgunen, gure produkzio-sarearen ingurune estrategikoetan berrikuntza-proiektuak garatzen dituen programan, bi norabideko transferentzia garatzen duten programak garatzen ditugu, enpresen berrikuntza-beharrei erantzuteko eta lehiakortasuna hobetzeko proiektuen bidez, batez ere enpresa txiki eta ertainen – ETEak – esparruan.

1 - INGURUNE ESTRATEGIKOAK: TKGUNE

Lanbide Heziketako irakasle eta ikasleen ezagutza eguneratzeko, lankidetza proiektuak garatzen ditugu inguruko ETEekin, berauen berrikuntza bultzatzeko ikastetxe sarearen ezagutzak, baliabideak eta instalazioak eskainiz.

www.tkgune.eus

2 - PROIEKTUEN KUDEAKETA BULEGOA: PKB

Lanbide Heziketako sei ikastetxetako pertsonak kolaboratzen dute Tknikarekin lantalde honetan. Helburua TKgune Sarearen parte diren ikastetxeei lankidetza proiektuetan laguntza eskaintzea da, horretarako beharrak aztertuz eta jarraipena eginez.

3 - URRATSBAT

Enpresak sortzen laguntzeko eskaintzak: aholkularitza integraleko zerbitzua, ekipatutako bulegoak eta proiektuak hala eskatzen badu, beste instalazio batzuk erabiltzeko aukera; ikastetxeko tailerrak, etab.

https://ekingune.tknika.eus/program/urratsbat/

4 - URRATSBAT SAREA

Ekimen honen bidez, komunitate bat sortu nahi da, Urratsbat programaren 10 urtetik gorako historian zehar sortu diren enpresei zerbitzuak eskainiz: networking-a erraztea; enpresen kolektiboaren “ikusgaitasuna” lantzea; informazioa, prestakuntza eta aholkularitza; enpresa-proiektuak indartzea (enpresak garatzea); marketplace bat abian jartzea, etab.

https://urratsbatsarea.eus/

5 - ELM (Ekintzaileari Laguntzeko Metodologia)

Urratsbat programa garatzeko zenbait eduki lantzen dituen prestakuntza. Dinamizatzaileari zuzendua bere lana modu egokian garatzeko behar diren gaitasunak eskuratzeko. 10 urtetik gora metatutako esperientziatik abiatzen den diseinuari eta pertsona ekintzaileari laguntzeaz arduratutako irakasleen gaitasunak garatzeko premiei erantzuten die.